ដំណាក់កាលទី ១ ៖ ទៅសុំគំរូលិខិតស្នើសុំតែងតាំង/ចាត់តាំង នាយក សហនាយកនិក្ខេបបទ
សួស្ដី ទាំងអស់គ្នា !
ក្នុង post នេះ ខ្ញុំនឹងចែករំលែកបទពិសោធន៍របស់ខ្ញុំផ្ទាល់ ជាក់ស្ដែង អំពីដំណាក់កាលដំបូងបំផុតនៃការធ្វើនិក្ខេបបទថ្នាក់ទន្តបណ្ឌិតនៅសាកលវិទ្យាល័យវិទ្យាសាស្ត្រសុខាភិបាល ។ តើយើងត្រូវធ្វើអ្វីខ្លះ ?
តើពេលណាបាន យើងអាចចាប់ផ្ដើមធ្វើនិក្ខេបបទបាន ?
និស្សិតថ្នាក់ទន្តបណ្ឌិត ចាប់ពីឆ្នាំទី ៦ ឡើងទៅអាចចាប់ផ្ដើមធ្វើនិក្ខេបបទបានហើយ ។ សាលាអនុញ្ញាតឲ្យធ្វើជាក្រុម ។ ក្នុង ១ ក្រុមមានសមាជិកច្រើនបំផុត ៣ នាក់ ។
តើយើងទៅយកលិខិតនេះនៅឯណា ?
មាន ២ ជម្រើស ៖
ជម្រើសទី ១ (ងាយស្រួល 😂)
Download គំរូលិខិតទៅទីនេះ 😂 (រួចយកទៅ Print) ៖ (ទាំងអស់គ្នាត្រូវមានគំរូលិខិតចំនួន ៤ គឺ ៖)
១. លិខិតបញ្ជាក់យល់ព្រមធ្វើជានាយកនិក្ខេបបទ ៖
២. លិខិតបញ្ជាក់យល់ព្រមធ្វើជាសហនាយកនិក្ខេបបទ ៖
៣. ពាក្យសុំចុះឈ្មោះរៀបរៀងនិក្ខេបបទ ៖
៤. លិខិតបញ្ជាក់ប្រធានបទ នាយក និងសហនាយកនិក្ខេបបទ ៖
ក្រោយពីបាន គំរូលិខិតទាំង ៤ នេះហើយ ទាំងអស់គ្នាកុំទាន់បំពេញព័ត៌មានអី គ្រាន់តែអានខ្លឹមសារលិខិតទាំង ៤ នេះសិនបានហើយ ។ (ក្រោយអានហើយ ទាំងអស់គ្នានឹងមានគំនិត ថាតើត្រូវធ្វើអ្វីបន្ទាប់ ។)
កុំបារម្ភអី ខ្ញុំនឹងរៀបរាប់ពីដំណាក់បន្ទាប់នៅ Post ក្រោយ ។ ទាំងអស់គ្នាក៏អាចស្វែងយល់បន្ថែមដោយខ្លួនឯង ពីដំណើរការធ្វើនិក្ខេបបទ តាមសៀវភៅណែនាំនេះ (រៀបរៀងដោយសាលាផ្ទាល់) ៖
ជម្រើសទី ២ ៖ ទៅសុំលិខិតទាំង ៤ នេះ ពីលោកគ្រូ ចាន់ បូរី នៅការិយាល័យស្រាវជ្រាវ និងផែនការ នៃមហាវិទ្យាល័យយើង (មហាវិទ្យាល័យទន្តវទនសាស្ត្រ)
វិធីនេះ វែងឆ្ងាយបន្តិច តែទាំងអស់គ្នានឹងបានស្គាល់ទីតាំងការិយាល័យស្រាវជ្រាវ និងផែនការ ដែលយើងត្រូវយកលិខិតផ្សេងៗទៅដាក់ពាក្យនៅដំណាក់កាលក្រោយ ។
តើការិយាល័យស្រាវជ្រាវ និងផែនការនៅឯណាទៅ ?
នៅ សាខាទី ២ នៃសាកលវិទ្យាល័យវិទ្យាសាស្ត្រសុខាភិបាល ។ ទាំងអស់គ្នាអាចទៅរកតាម Google map នេះ ៖
មានអាគារច្រើនណាស់ តើការិយាល័យនេះស្ថិតនៅអាគារមួយណាទៅ ក្នុងសាកលសាខាទី ២ ហ្នឹង ?
សំនួរល្អ 👍 ! ចាំខ្ញុំប្រាប់ផ្លូវ ៖
១. ផ្លូវចូលសាខាទី ២ នៃសាកល(វិទ្យាល័យវិទ្យាសាស្ត្រសុខាភិបាល) គឺនៅលើផ្លូវធំ (មហាវិថីកងយោធពលខេមរភូមិន្ទ) (St. 271) ។
២. សន្តិសុខអាចសួររកកាតសិស្ស និងឲ្យទាំងអស់គ្នា បំពេញព័ត៌មានមួយចំនួនក្នុងសៀវភៅ ។ ដូច្នេះ កុំភ្លេចយកកាតសិស្សទៅផង ហើយធ្វើអ្វីតាម ដែលពូសន្តិសុខប្រាប់ទៅ 👌 ។ បើបាត់កាតសិស្ស ទាំងអស់គ្នា អាចយកឯកសារផ្សេង ដែលអាចបញ្ជាក់ថា ទាំងអស់គ្នាធ្លាប់រៀននៅសាលាក្រហម (សាកលវិទ្យាល័យវិទ្យាសាស្ត្រសុខាភិបាល) ដូចជាសញ្ញាបត្រឆ្នាំទី ៥, ព្រឹត្តិបត្រពិន្ទុ, . . . ឬអត្តសញ្ញាណប័ណ្ណ ក៏បាន ។
៣. ចូលបានបន្តិច ទាំងអស់គ្នានឹងឃើញកន្លែងផ្ញើរម៉ូតូ នៅខាងសាំដៃ ។ ទាំងអស់គ្នា អាចផ្ញើរម៉ូតូនៅកន្លែងហ្នឹង (អស់ ៥០០៛ ពេលយកម៉ូតូចេញវិញចាំឲ្យលុយ) ។
៤. ផ្ញើរម៉ូតូរួច ទាំងអស់គ្នាដើរចូលទៅក្នុងសាកល(វិទ្យាល័យ) តម្រង់ទៅអគារ ដែលខ្ពស់ជាងគេ (មើលរូប) ។
ពាក្យបច្ចេកទេស ខ្មែរ-អង់គ្លេស
- និក្ខេបបទ = Thesis
- ទន្តបណ្ឌិត = Doctor of dental Surgery, Dentist
- នាយក(និក្ខេបបទ) = Director (Thesis)
- សហនាយក = Co-director